لاہور میں گزشتہ 24 گھنٹوں کے دوران 234 ٹریفک حادثات رپورٹ ہوئے ہیں، جن کے نتیجے میں سینکڑوں افراد متاثر ہوئے۔

ریسکیو حکام کی جانب سے جاری کردہ اعداد و شمار کے مطابق ان حادثات کی زد میں آ کر مجموعی طور پر 291 افراد زخمی ہوئے۔ 81 شدید زخمیوں کو فوری طبی امداد کے لیے قریبی ہسپتالوں میں منتقل کیا گیا، جبکہ 210 افراد کو معمولی زخم آنے پر موقع پر ہی فرسٹ ایڈ فراہم کی گئی۔

ریسکیو حکام کا کہنا ہے کہ زیادہ تر ٹریفک حادثات تیز رفتاری، غفلت اور ٹریفک قوانین کی خلاف ورزی کے باعث پیش آئے۔ شہریوں سے محتاط ڈرائیونگ کی اپیل کی گئی ہے۔