9 مئی جلاؤ گھیراؤ: یاسمین راشد، عمر چیمہ سمیت 4 رہنماؤں کو 10 سال قید، جائیدادیں ضبط کرنے کا حکم
لاہور کی انسدادِ دہشت گردی عدالت نے 9 مئی جلاؤ گھیراؤ کے دو مقدمات میں اہم فیصلہ سناتے ہوئے ڈاکٹر یاسمین راشد، عمر سرفراز چیمہ، میاں محمود الرشید اور اعجاز چوہدری کو 10، 10 سال قید اور 6، 6 لاکھ روپے جرمانے کی سزا سنا دی ہے۔
عدالت نے تھانہ شادمان اور تھانہ سرور روڈ میں درج مقدمات کا فیصلہ سناتے ہوئے سزا یافتہ رہنماؤں کے جیل وارنٹ جاری کر دیے ہیں اور ان کی جائیدادیں ضبط کرنے کا بھی حکم دیا ہے۔
پنجاب حکومت کا بڑا فیصلہ: صوبے بھر میں صفائی فیس عائد، ماہانہ 5 ہزار روپے تک وصولی ہوگی
حکومتِ پنجاب نے صوبے بھر میں صفائی فیس عائد کرنے کا فیصلہ کیا ہے جس کے تحت شہریوں سے 200 روپے سے لے کر 5 ہزار روپے تک ماہانہ وصولی کی جائے گی۔ یہ فیس رہائشی اور کمرشل علاقوں کے لیے مختلف ہوگی اور اس کا تعین پلاٹ کے سائز اور کاروبار کی نوعیت پر ہوگا۔
ترجمان محکمہ بلدیات کے مطابق، 5 مرلہ سے کم گھر پر 300 روپے، 5 سے 10 مرلہ پر 500 جبکہ ایک کنال پر 2 ہزار اور اس سے بڑے پلاٹ پر 5 ہزار روپے فیس ہوگی۔ شہری یہ فیس آن لائن ایپ سے ادا کر سکیں گے اور حکومت کا پہلا سالانہ ہدف 15 ارب روپے ہے۔
لاہور: آن لائن ٹیکسی ایپ کے ذریعے لوٹنے والا 4 رکنی گینگ گرفتار، سیف سٹی سے ٹریسنگ ہوئی
لاہور پولیس نے سیف سٹی کیمروں کی مدد سے آن لائن ٹیکسی ایپ کے ذریعے شہریوں کا قیمتی سامان لوٹنے والے 4 رکنی گینگ کو گرفتار کر لیا ہے۔ ملزمان نے جیل روڈ سے ایک شہری کا لاکھوں روپے مالیت کا سامان لوٹا تھا۔
شہری کی 15 پر کال کے بعد سیف سٹی نے ملزمان کا روٹ ٹریس کر کے پولیس کو اطلاع دی، جس پر فوری کارروائی کرتے ہوئے گینگ کو پکڑ لیا گیا۔ ملزمان سے لاکھوں کا سامان، گاڑیاں، اسلحہ اور 200 سے زائد سم کارڈز برآمد ہوئے ہیں۔
لاہور ہائیکورٹ سمیت ماتحت عدالتیں 14 اور 15 اگست کو بند رہیں گی
لاہور ہائیکورٹ اور شہر کی تمام ماتحت عدالتیں دو روز کے لیے بند رہیں گی۔ 14 اگست کو یومِ آزادی پاکستان کی مناسبت سے عام تعطیل ہوگی، جبکہ 15 اگست کو حضرت داتا گنج بخشؒ کے سالانہ عرس کے موقع پر مقامی چھٹی دی گئی ہے۔ ان دو دنوں میں عدالتوں میں کوئی مقدمہ سماعت کے لیے مقرر نہیں کیا گیا ہے۔
