جھنگ میں پنجاب کسان کارڈ کا دوسرا مرحلہ جاری – زرعی میدان میں انقلابی اقدام
وزیر اعلیٰ پنجاب محترمہ مریم نواز شریف کی خصوصی ہدایت پر ضلع جھنگ میں پنجاب کسان کارڈ کا دوسرا مرحلہ جاری ہے۔ پہلے مرحلے میں 20 ہزار سے زائد کاشتکاروں کو کسان کارڈ جاری کیے جا چکے ہیں۔ دوسرے مرحلے میں اب تک 38 ہزار کاشتکار آن لائن اپلائی کر چکے ہیں، جن میں سے 2 ہزار سے زائد افراد کو باقاعدہ کارڈز جاری کر دیے گئے ہیں۔
اس کارڈ کے ذریعے حکومت پنجاب کی طرف سے کاشتکاروں کو فی ایکڑ 30 ہزار روپے تک کی مالی امداد فراہم کی جا رہی ہے تاکہ وہ کھاد، بیج، زرعی ادویات اور دیگر ضروری اشیاء خرید سکیں۔ یہ سہولت خاص طور پر چھوٹے اور متوسط طبقے کے زمینداروں کے لیے ایک بڑا ریلیف ہے۔
حکومت نے اس منصوبے میں شفافیت کو اولین ترجیح دی ہے۔ تمام کارڈز مکمل میرٹ اور تصدیق شدہ ڈیٹا کی بنیاد پر جاری کیے جا رہے ہیں تاکہ صرف اصل حقدار ہی مستفید ہو سکیں۔ اس قدم سے جھنگ کے کسان طبقے میں خوشی کی لہر دوڑ گئی ہے۔
.jpeg)
عوامی سطح پر پنجاب حکومت کے اس اقدام کو زبردست پذیرائی حاصل ہو رہی ہے اور کسان طبقے کو امید ہے کہ یہ اسکیم مستقبل میں مزید سہولیات کی راہ ہموار کرے گی۔ یہ منصوبہ نہ صرف کسانوں کی معاشی حالت بہتر کرے گا بلکہ زراعت کے شعبے میں بھی ترقی کی نئی راہیں کھولے گا۔
.jpeg)
